Aon opat ka libro na yang lasak sinyan mga paganad makapantag sang yamakasorat sang Kitab Tawrat, Kitab Jabor aw Kitab Injil. Yang pirmiro na libro pyagatawag “Yang Pukas ng Manosiay”, aw ansini mabatya natun yang makapantag kang Nabi Adam, Nabi Noh aw si Nabi Ibrahim. Yang ikadowa na libro pyagatawag “Yang Pasad ng Allaho Taala sang Manosiya”, aw ansini mabatya natun daw onan yang mga pasad ng Tohan aw nanga sa pyapadaa nan si Isa Almasi adi sining donya. Yang ikatoo na libro pyagatawag “Yang Looy ng Allaho Taala sang Manosiya”, aw ansini akatimanan natun yang makapantag sang kinabowi aw mga ininang ni Isa Almasi. Yang ikaopat na libro pyagatawag “Yang mga Otaw na Yamangintoo”, aw yani na libro yagapakita kanatun daw ono yang karim ng Tohan na inangun ng mga otaw na yamangagad kanan. Mabatya natun yang makapantag sang jamaa, yang Pyaglaongan ng Tohan, yang bunna na katoridan kipat sang Allaw ng Paghokom. Kaloyan gao ng Tohan yang kariko natun-mayo na marim mangagad kanan. Wassalam.
